您所在的位置: 主页 > 体育赛事 >恐吓案冇晒下文 律政司又玩包庇 >

恐吓案冇晒下文 律政司又玩包庇

呢嗱,就讲壹淫媒老闆汉奸黎粗言辱骂兼刑事恐吓东方记者,乜嘢「×你老母×」、「我实会搵人搞×你」、「我影×咗你嘅相」,简直无法无天,激起全城怒火。好嘞,事件拖延超过八个月,律政司不但未提告,更係龟缩零回应,就算本报正式去函提出八条提问,又或者多位立法会议员先后质询,律政司一样继续扮鸵鸟,继续发呆放空。咪以为维持呢种咁Hea嘅状态係人都得,实则面皮薄啲都顶唔顺,试问边有人咁厚颜无耻,Hea覆当回覆,虚应当回应,咁有发呆王风範先得o架!

係咁嘅,本报上月向律政司提出八大问题,律政司拖延多时终于回覆嘞,弊在又係旧调重弹,话案件需时处理喎,对于会否检控汉奸黎只字不提,答咗等于冇答,又一次示範讲空话、放烟幕嘅赖皮伎俩,吹胀!

唔係咩,问你案发至今八个月仍未检控係咪唔合理,係咪玩包庇,结果唔係答非所问,就係闪烁其词。喂,件案大大话话拖咗八个月,警方早就完成调查,仲要有图有片有真相,咁都仲话需时处理,处理足「一万年」好唔好?

嗱,有立法会议员旧年九月已去信时任律政司司长袁国强要求跟进,得到嘅都係录音机无限Loop洗脑式回覆,满以为律政司司长换咗人会有新气象喇,结果又係Hea覆无限次,唔怪得社会各界都顶佢唔顺,直指事件打击政府威信,令市民对司法失去信心,辣爆直斥律政司一味死拖烂拖,连市民嘅信心都畀佢拖到冇得剩吖。

有一本讲述拖延心理嘅书係咁讲嘅:「拖延,唔係时间管理出咗问题,而係内心恐惧在捣蛋!」,「恐惧」呢两只字真係中到应一应!如果律政司司长郑若骅屋企冇僭建,就唔需要恐惧有人死咬唔放;如果港府唔係惊咗外部势力,汉奸黎就唔可以作威作福,也文也武。有人话汉奸黎有司法保护伞兼免死金牌,睇吓律政司放生完佢单政治黑金案,又对呢单恐吓记者打压新闻自由嘅畸士视若无睹,就连佔中嗰笔都大有不了了之之势,真係唔到你唔信吖。

咪畀功夫茶批中,林郑大吹和解风,律政司放生汉奸黎就係当中嘅枱底交易嘞,可惜呢笔交易係将法治当成筹码,以牺牲本港核心价值作为代价,边个係千古罪人,大家心中有数喇!

上一篇:
下一篇: